aks ki surat dikha kar aap ka saani mujhe
saath apne le gaya bahta hua paani mujhe
main badan ko dard ke malbus pahnata raha
ruuh tak phaili hui milti hai uryani mujhe
is tarah qaht-e-hava ki zad men hai mera vajud
andhiyan pahchan leti hain ba-asani mujhe
baḌh gaya is rut men shayad nik.haton ka e’tibar
din ke angan men lubha.e raat ki raani mujhe
munjamid sajdon ki yaḳh-basta munajaton ki ḳhair
aag ke nazdik le aa.i hai peshani mujhe
Leave a Reply