Poet
aish-e-hazir bhi kahan gham se riha.i dega
lazzat-e-qurb men ehsas-e-juda.i dega
ek hi aks har ik aks pe hoga haavi
laakh chehron men vahi shaḳhs dikha.i dega
uf ye iḳhlas tira uf ye tira tarz-e-tapak
tu mujhe kaun sa dukh ai mire bhaa.i dega
haa.e vo gham ki milega mujhe shahna.i se
haa.e vo dukh jo tira dast-e-hina.i dega
mire ehsas se zahir hai sadaqat meri
main jo chahunga vahi rang dikha.i dega
sar-phira laakh sahi phir bhi ‘munavvar’ kab tak
barf-e-ehsas ko tu shola-qaba.i dega
Leave a Reply