yuun shab-e-hijr teri yaad aa.i
duur bajti ho jaise shahna.i
aap apni hansi uḌata huun
ḳhud tamasha huun ḳhud-tamasha.i
jab zamane ne saath chhoḌ diya
apni divangi hi kaam aa.i
kal junun ka mazaq uḌati thi
ab junun se ḳhajil hai dana.i
aa.ina dil ka chuur chuur hua
aur avaz tak nahin aa.i
kitna iThla ke chal rahi hai saba
tera paigham to nahin laa.i
sha.iron men shumar ho jis se
mujh men vo baat abhi nahin aa.i
Leave a Reply