Yun Shab-E-Hijr Teri Yaad Aai

yuuñ shab-e-hijr terī yaad aa.ī

duur bajtī ho jaise shahnā.ī

aap apnī hañsī uḌātā huuñ

ḳhud tamāsha huuñ ḳhud-tamāshā.ī

jab zamāne ne saath chhoḌ diyā

apnī dīvāngī hī kaam aa.ī

kal junūñ kā mazāq uḌātī thī

ab junūñ se ḳhajil hai dānā.ī

aa.ina dil kā chuur chuur huā

aur āvāz tak nahīñ aa.ī

kitnā iThlā ke chal rahī hai sabā

terā paiġhām to nahīñ laa.ī

shā.iroñ meñ shumār ho jis se

mujh meñ vo baat abhī nahīñ aa.ī

Leave a Comment