Hai Kahe Dete Hain Zahmat-Khurda Hai

hai kahe dete hain zahmat-khurda hai

dil to hazir hai magar pazhmurda hai

tu hi aata hai na aati hai qaza

dekhte hain jis ko vo azurda hai

jis tarah ji chahe rakhen mera dil

jante hain vo ki maal murda hai

manzil-e-ulfat men rakkhen to qadam

rustam-o-suhrab ka kya gurda hai

kaun sunta hai tumhari ai ‘nasim’

kis ko pas-e-khatir-e-afsurda hai

Leave a Comment