dhuup barish hava kamar-basta
aur dariche men ek guldasta
peḌ se peḌ kaT gaya varna
kya kulhaḌi agar na ho dasta
gham se aise niDhal huun jaise
ek bachche ki piiTh par basta
barishon ki dua.en mangi hain
aur divar ghar ki hai ḳhasta
ek jugnu tha aas ki surat
bhar gaya raushni se sab rasta
bandh rakkha hai kab se raḳht-e-safar
kabhi avaz de koi rasta
baat ḳhushbu ki thi magar ‘faruq’
dhyan aaya kisi ka barjasta
Leave a Reply