Ali Sardar Jafri
maalum nahin zehn ki parvaz ki zad men
sarsabz umidon ka chaman hai ki nahin hai
lekin ye bata vaqt ka bahta hua dhara
tufan-gar o koh-shikan hai ki nahin hai
sarmae ke simte hue honton ka tabassum
mazdur ke chehre ki thakan hai ki nahin
vo zer-e-ufuq subh ki halki si sapedi
dhalte hue taron ka kafan hai ki nahin hai
peshani-e-aflas se jo phuut rahi hai
uthte hue suraj ki kiran hai ki nahin hai
Leave a Reply