Pas-E-Aina KHad-O-Khaal Mein Koi Aur Tha

Sattar Syed

pas-e-a.ina ḳhad-o-ḳhal men koi aur tha

koi samne tha ḳhayal men koi aur tha

jo dinon ke dasht men chal raha tha vo main na tha

jo dhaḌakta tha mah-o-sal men koi aur tha

koi aur tha mire saath daur-e-uruj men

mire saath ahd-e-zaval men koi aur tha

jise said karna tha daam men vo chala gaya

vo jo rah gaya tire jaal men koi aur tha

thi zamin ra.unat-e-ra.ad-o-barq se muzmahil

pas-e-abro-bad-e-jalal men koi aur tha