Poet
yuun nahin chain to ghaflat ka sitam aur sahi
ham ye samjhenge ki afzaish-e-gham aur sahi
tum na aaoge to kya jaan na jaegi miri
amad-o-raft nafas ki koi dam aur sahi
kahte hain zulm ke baad aah karoge to kya
lashkar-e-jaur-o-jafa men ye alam aur sahi
jhuk ke milne se tumhare mujhe khauf aata hai
go ye kham aur sahi tegh ka kham aur sahi
asl men jalva ye kis ka hai tu hi kah vaaiz
tera rab aur sahi mera sanam aur sahi
vaada-e-vasl ki takrar pe kahte hain ki jhuut
inhin ahdon men tire sar ki qasam aur sahi
jashn-e-jamshed mayassar hai ki dil rakhte hain
jaam ye aur sahi saghar-e-jam aur sahi
khuub hai tum men jafa ki na rahegi aadat
mere badle bhi raqibon pe karam aur sahi
Leave a Reply