Mughni Tabassum
yuun lagta hai sab kuchh khone aaya tha
main is ghar men tujh ko rone aaya tha
tu mere hamrah to aaya tha lekin
tanha.i ke kanTe bone aaya tha
main us ke didar se kab sairab hua
vo to bas daman ko bhigone aaya tha
main takta tha us ko pyase honTon se
badal meri naav Dubone aaya tha
gahri niind se mujh ko jaga kar chhoḌ gaya
ḳhvab miri ankhon men sone aaya tha
Leave a Reply