Baja Ki Har Koi Apni Hi Ahmiyat Chahe

bajā ki har koī apnī hī ahmiyat chāhe

magar vo shaḳhs to ham se musāhibat chāhe

guzar rahe haiñ ajab jāñ-kanī meñ roz-o-shab

ki ruuh qarya-e-tan se muhājrat chāhe

kamāñ meñ tiir chaḌhā ho to be-amāñ taa.ir

salāmtī ko koī kunj-e-āfiyat chāhe

nikal paḌe haiñ gharoñ se to sochnā kaisā

ab aa.e rah meñ azāboñ kī saltanat chāhe

anā ke hāthoñ huā hai ‘shafīq’ jo bhī huā

magar ye dil ki abhī tak mufāhamat chāhe

Leave a Comment