Koi Surat Kitab Se Nikle

koī sūrat kitāb se nikle

yaad sūkhe gulāb se nikle

merī āñkheñ hai muntazir ab bhī

kab vo chehra naqāb se nikle

kitne motī haiñ us ke āñchal meñ

kitnī kirneñ hijāb se nikle

ai shab-e-māh TūTtā hai badan

dard shāyad sharāb se nikle

chāñd utrā thā shab ko āñgan meñ

niiñd TuuTe to ḳhvāb se nikle

vo mirī pyaas ko bujhā degā

ek qatra jo aab se nikle

Leave a Comment