phir aas de ke aaj ko kal kar diya gaya
honton ke biich baat ko shal kar diya gaya
sadiyon ka phok jism sambhale to kis tarah
jab umr ko nichod ke pal kar diya gaya
ab to sanvarne ke liye hijr bhi nahin
saara vabal le ke ghazal kar diya gaya
mujh ko miri majal se ziyada junun diya
dhadkan ki lai ko saz-e-ajal kar diya gaya
kaise bujhaen kaun bujhae bujhe bhi kyuun
is aag ko to khuun men hal kar diya gaya
Leave a Reply