jis ko ḳhabar nahin use josh-o-ḳharosh hai
jo pa gaya vo raaz vo gum hai ḳhamosh hai
hai ek shor-e-bulbul-o-saut-e-shagufta-gul
ye surat-e-afiyat hai vo yasin-e-hosh hai
aa.i thi shakl dil ke jo aa.ina men nazar
band aankh is se aur zaban bhi ḳhamosh hai
ye haal ho ki aap men aalam ko dekh le
gar dil men tere ishq ki kasrat ka josh hai
kab hai kamal-e-ishq pe haavi gham-e-firaq
ek ek zarra qais ko mahmil ba-dosh hai
varafta-e-hava-e-tarab yaad rakh use
jo dard ki khaTak hai naved-e-sharosh hai
barq-e-jamal nafe-e-ma-o-shuma hui
kya zikr-e-sham-e-tur ki vo bhi ḳhamosh hai
kya hai tira hudus-o-qidam ham to hain vahan
hasti jahan adam ke liye ḳhvab-nosh hai
ushshaq jaama pahne hain taslim-e-ishq ka
dastar-o-jubba shaiḳh ka haan parda-posh hai
tere jahan se mahfil-e-rindan juda hai shaiḳh
har ek mughbacha yahan kasr-e-farosh hai
saaqi ki ek nazar hi hamen mast kar ga.i
kis ko surahi-o-ḳham-o-saghar ka hosh hai
amrit ke jhale mar kiya la-taqnatu ki hain
is bazm men ye mashghala-e-nao-nosh hai
‘kaifi’ ye ahl-e-dahr se kah do pukar kar
is bazm men vo aa.e ki jo sarfarosh hai
Leave a Reply