Tahir Adeem
vo nahin yaaro kisi bhi baat men
jiit kar bhi jo maza hai maat men
har kisi ke gird logon ka hujum
har koi tanha hai apni zaat men
dekhne vaale inhen paḌh ghaur se
ek ik duniya hai in zarrat men
kha ga.i ab tak ye kitne aftab
raaz hai muzmar ajab is raat men
be-gunahon ke lahu ki surḳhiyan
ja baja bikhri hain aḳhbarat men
aao kaTen cake ko imsal bhi
ansuon ki is bhari barsat men
bach ke rahna ham se ai dasht-e-junun
us ka saaya hai hamare saat men
ai safiran-e-ziya ab tum kaho
ab ke suraj hai hamare haat men
baab men us ke hai ‘tahir’ aaj bhi
ek sannaTa sa ka.enat men
Leave a Reply