adnan-mohsin

Kabhi To Khwab Kabhi Ratjage Se Baaten Kin

kabhi to khvab kabhi ratjage se baten kiin

tire guman men ham ne diye se baten kiin

rida-e-shab pe nae tarz se visal likha

bichhadne valon ne ik dusre se baten kiin

rahi na yaron se ummid gham-gusari ki

ghar aae girya kiya aaine se baten kiin

ajab mazaq hai ham ne khuda ke dhoke men

tamam umr kisi vasvase se baten kiin

janab-e-shaikh se ik baar samna ho jaae

karega yaad kisi sar-phire se baten kiin

bahut adaq thiin ibarat zindagani ki

zara si der ruke hashiye se baten kiin

hamare honton pe pur-lutf qahqahe bikhre

hamari ankhon ne kitne maze se baten kiin

chale to chalte gae haath thaam kar chup-chap

juda hue to bahut raste se baten kiin

More Poems

Leave a Comment