islam aur kufr hamara hi naam hai
kaaba kunisht donon men apna maqam hai
ye ishq jis ka shor hai aalam men hain hamin
ye husn ham hain jis ki ye sab dhuum dhaam hai
ban kar sukhan zaban pe aalam ki hain hamin
masruf apne zikr men bas har ik daam hai
dekho jis aankh men to hamara hi nuur hai
har kaan men bhara ye hamara kalam hai
jo kushtagan-e-maarka-e-tegh-e-ishq hain
un ke liye ye alam-e-hasti davam hai
ku-e-sanam se ham ko sarokar hai faqat
vaaiz tiri bahisht ko apna salam hai
‘asim’ na chhodo daman-e-khadim-safi kabhun
maamur jis ki faiz se har khas-o-am hai
Leave a Reply