Poet
is dasht-e-be-aman men utarna mujhe bhi hai
paas is dil-e-hazin ka to varna mujhe bhi hai
duniya hasin-tar hai magar ai mire ḳhuda
bheja hai tu ne aur guzarna mujhe bhi hai
fursat mili to tark karunga ta.alluqat
ye kaam ek baar to karna mujhe bhi hai
us ne bhi ek aan nazar aana hai zarur
is bhiiḌ men kahin se ubharna mujhe bhi hai
bas sochta yahi huun main ‘e.azaz’-kazmi
jitna bhi ji luun aḳhirash marna mujhe bhi hai
Leave a Reply