Shamim Qasmi
khoTa sikka ik din chal bhi sakta hai
raavi ka andaz badal bhi sakta hai
do pal ka hai saath magar tanha.i men
andesha rusva.i ka pal bhi sakta hai
machis ki ik tiili jaisi ankhon se
hadd-e-nazar ka manzar jal bhi sakta hai
duniya us ki majburi men shamil hai
zer-e-zamin vo rah kar phal bhi sakta hai
neki ka dariya se gahra rishta hai
sho.alon se vo bach ke nikal bhi sakta hai
us ki chahat men lazim hai shiddat bhi
vo bashari paikar men Dhal bhi sakta hai
Leave a Reply