Santosh Khirvadkar
khuli ankhen hain par soya hua huun
tumhari yaad men Duuba hua huun
badan ik din chhua tha tum ne mera
usi din se bahut mahka hua huun
mujhe pagal samajhti hai ye duniya
tasavvur men tire khoya hua huun
jahan tum chhoḌ kar mujh ko ga.e the
usi raste pe main baiTha hua huun
ḳhuda ka hai karam ‘santosh’ mujh par
har ik mahfil pe main chhaya hua huun
Leave a Reply