Khuli Aankhen Hain Par Soya Hua Hun

khulī āñkheñ haiñ par soyā huā huuñ

tumhārī yaad meñ Duubā huā huuñ

badan ik din chhuā thā tum ne merā

usī din se bahut mahkā huā huuñ

mujhe pāgal samajhtī hai ye duniyā

tasavvur meñ tire khoyā huā huuñ

jahāñ tum chhoḌ kar mujh ko ga.e the

usī raste pe maiñ baiThā huā huuñ

ḳhudā kā hai karam ‘santosh’ mujh par

har ik mahfil pe maiñ chhāyā huā huuñ

Leave a Comment