Iliyas Babar Aawan
ye laḌka laḌki koi mas.ala samajh rahe hain
unhen ḳhabar hi nahin log kya samajh rahe hain
hamare mil ke bichhaḌne men us ka haath bhi tha
magar ye log mujhe hi bura samajh rahe hain
main un ko paani pilane ke vaste khaḌa huun
jo mujh ko pyaas ka maara hua samajh rahe hain
main ḳhamushi ko ibadat ke jaise janta huun
samajhne vaale mujhe kya se kya samajh rahe hain
gire huon ki ajab nafsiyat hai ‘babar’
sab ek dusre ko aasra samajh rahe hain
Leave a Reply