abdur-rauf-urooj

Jada-e-Mai Pe Guzar Khwabon Ka

jada-e-mai pe guzar khvabon ka

mud gaya sail kidhar khvabon ka

zindagi azmat-e-hazir ke baghair

ik tasalsul hai magar khvabon ka

zulmaten vahshat-e-farda se niDhal

DhunDhti phirti hain ghar khvabon ka

qarya-e-mah se us basti tak

roz hota hai guzar khvabon ka

sub.h-e-nauroz bhi dilkash hai ‘uruj’

is qadar ranj na kar khvabon ka

More Poems

Leave a Comment