milan mausamon ki saza chahta huun
tire hijr ki intiha chahta huun
sadaon se mahrum apni gali men
bas ik teri avaz-e-pa chahta huun
kisi ek halchal men vo saath hota
main avara-e-shab bujha chahta huun
gulabon ke honTon pe lab rakh raha huun
use der tak sochna chahta huun
tiri qurbaten raakh hone lagi hain
main ab duriyon men jiya chahta huun
koi rahguzar ho kahin ka safar ho
main har ja tire naqsh-e-pa chahta huun
bahut din hue mor nache nahin hain
munDeron pe kaali ghaTa chahta huun
Leave a Reply