jaana zi-bas zarur tha us jalva-gah men
ham dair-o-ka.aba chhoḌ ga.e donon raah men
jab bosa le liya to nahin galiyon ka ranj
ta.azir mahv ho ga.i shauq-e-gunah men
bikhre hain phuul idhar to dhare hain udhar ko jaam
hai bu-e-itr-e-fitna tiri ḳhvab-gah men
suufi na ḳhanqah men nai rind dair men
majma.a hai ik jahan ka tiri jalva-gah men
‘majruh’ kahiye main na hansun-bolun ta-ba-kai
tum to sada rahoge isi ah-ah men
Leave a Reply