bas ek saans liya khul ke laḳht-laḳht hua
ki zindagi na hui kanch ka daraḳht hua
bahut zahin bhi hona vabal-e-jan hai yahan
hamare saath har ik imtihan saḳht hua
jahan pe mujh ko halimi se kaam lena tha
usi maqam pe lahja mira karaḳht hua
na main kisi ke liye zad-e-vasl ban paaya
na hijraton men mira koi saz-e-raḳht hua
‘talab’ havaon ke siine pe saanp loT gaya
phir ek nanha sa pauda ghana daraḳht hua
Leave a Reply