jo sair-e-anjum-o-ḳhurshid ka irada kiya
ghubar raḳht-e-safar aur junun jaada kiya
bahut se kaam kiye hain tiri talab men magar
ye kar-e-dard zarurat se kuchh ziyada kiya
faza-e-hosh-o-ḳhirad men baḌa andhera tha
so ham ne aankh men raushan charagh-e-bada kiya
baḌha jo gham kisi lamhe tiri juda.i ka
to ham ne jaan ke ziyan se bhi istifada kiya
vo rang-e-husn bhi saada tha samne apne
so harf-e-arz-e-tamanna bhi ham ne saada kiya
Leave a Reply