Ai Sham-E-Dil-Afroz Shab-E-Tar-E-Mohabbat

ai sham-e-dil-afroz shab-e-tar-e-mohabbat

bakhshe hai yahi garmi-e-bazar-e-mohabbat

karte hain abas mujh dil-e-bimar ka darman

vabasta miri jaan se hai azar-e-mohabbat

ai lala-rukhan un ke taiin daagh na samjho

phula hai mire siine men gulzar-e-mohabbat

gar ham se chhupata hai tu ‘bedar’ va-lekin

inkar hi tera hai ye iqrar-e-mohabbat

rahta hai miri jaan kahin ishq bhi pinhan

zahir hain tiri shakl se asar-e-mohabbat

Leave a Comment