Yun Jo Uftad Pade Hum Pe Wo Sah Jate Hain

yuun jo uftad pade ham pe vo sah jaate hain

haan kabhi baat jo kahne ki hai kah jaate hain

na chatanon ki salabat hai na dariya ka jalal

log tinke hain jo har mauj men bah jaate hain

ye nai nasl hai is vaste khali khali

dard jitne hain vo baton hi men bah jaate hain

aamad aamad kisi khurshid-e-jahan-tab ki hai

peshvai ke liye anjum o mah jaate hain

zindagi ban gai divanon ki ik daud ‘surur’

ham se kitne hain jo is daud men rah jaate hain

Leave a Comment