Yun Jo Palkon Ko Mila Kar Nahin Dekha Jata

yuuñ jo palkoñ ko milā kar nahīñ dekhā jaatā

har taraf ek hī manzar nahīñ dekhā jaatā

kaam itne haiñ bayābānoñ ke vīrānoñ ke

shaam ho jaatī hai aur ghar nahīñ dekhā jaatā

jhāñk lete haiñ garebāñ meñ yahī mumkin hai

aisī pastī hai ki uupar nahīñ dekhā jaatā

jis ko ḳhvāboñ ko zarūrat ho uThā kar le jaa.e

ham se ab aur ye daftar nahīñ dekhā jaatā

Leave a Comment