yun hain KHayal-e-yar pe iqan kiye hue

yuuñ haiñ ḳhayāl-e-yār pe īqāñ kiye hue

kuchh qurbatoñ kī yaad ko mehmāñ kiye hue

lagte haiñ mere dost ba-zāhir to pur-ḳhulūs

par buġhz dil meñ rakhte haiñ pinhāñ kiye hue

phailegī is jigar ke lahū se hī raushnī

baiThī huuñ rahguzar meñ charāġhāñ kiye hue

lafzoñ ke ābshār meñ bahne lage haiñ ġham

do bol pyaar ke mujhe farhāñ kiye hue

aa jā.iye ki dard bhī kuchh intihā kā hai

muddat huī hai dard kā darmāñ kiye hue

baiThe haiñ aas meñ hai shafā.at kā aasrā

kuchh āḳhirat kā ham nahīñ sāmāñ kiye hue

Leave a Comment