Muzaffar Iraj
yuun bulane se niind kab aa.i
jab bhi aa.i hai be-talab aa.i
ro paḌe dil dayar ke baasi
un ke ghar men bahar jab aa.i
main kisi bazm men agar aaya
saath mere tumhari chhab aa.i
dil hi dhaḌka na aankh hi phaḌki
kyon tiri yaad be-sabab aa.i
chashm-e-tar tu baras na soch abhi
bhaaḌ dasht-e-junun men kab aa.i
yaad ka bhi ajiib aalam hai
jab na aana use tha jab aa.i
un se milne ki jab bhi baat chhiḌi
his nigahon men jan-ba-lab aa.i
hijr ki dhuup Dhalte-Dhalte Dhali
vasl ki shub ghaḌi na shab aa.i
ḳhush-nasibi ki rut bhi kyon ‘iraj’
main ne chaha na tha ki tab aa.i
Leave a Reply