aise vo dastan khinchta hai
har yaqin par guman khinchta hai
teri furqat ka ek ik lamha
jism se meri jaan khinchta hai
jab bhi main asman ko chhune lagun
paanv ko mehrban khinchta hai
manzil-e-zist ke kisi bhi taraf
apni janib nishan khinchta hai
main haqiqat jahan bhi likhta huun
vo vahi dastan khinchta hai
jab haqiqat bayan karun us ki
mere munh se zaban khinchta hai
sar-zamin-e-vatan pe ab vo ‘nabil’
apna har su makan khinchta hai
Leave a Reply