Azhar Adeeb
kya tera kya mera ḳhvab
jis ki qismat is ka ḳhvab
baaba ankhen ne.amat hain
mat dekha kar baaba ḳhvab
saare saron par dastaren
ḳhvab aur divane ka ḳhvab
main ne ujrat mangi thi
us ne haath pe rakkha ḳhvab
baanT aate hain bachchon men
roz ik jhuTa sachcha ḳhvab
shab bhar aankh men bhiga tha
puure din men sukha ḳhvab
ik saf men mahmud aur main
ye auqat aur aisa ḳhvab
ham us shahr ke log jahan
taaza hava ka jhonka ḳhvab
aksar pakḌe jaate hain
pahla jurm aur pahla ḳhvab
Leave a Reply