zaKHmon Ki Dukanon Pe KHaridar Bhi Aae

zaḳhmoñ kī dukānoñ pe ḳharīdār bhī aa.e

bāzār hai to raunaq-e-bāzār bhī aa.e

shānoñ pe yahāñ sar kī jagah kaase lage haiñ

gar sar kī bahālī ho to dastār bhī aa.e

lo haq ke liye apnī jaḌeñ chhoḌ diiñ ham ne

ab ghar se nikal kar koī ansār bhī aa.e

koshish kā ye chaak aur ghumā.ūñgā maiñ kab tak

jīvan pe mire ab koī ākār bhī aa.e

kaam ā.eñge ye chāk-e-garebāñ ke rafū meñ

kuchh ġham nahīñ hisse meñ agar ḳhaar bhī aa.e

Leave a Comment