Ab Shahr Ki Aur Dasht Ki Hai Ek Kahani

ab shahr kī aur dasht kī hai ek kahānī

har shaḳhs hai pyāsā ki mayassar nahīñ paanī

maiñ toḌ bhī saktā huuñ rivāyāt kī zanjīr

maiñ dahr ke har ek tamaddun kā huuñ baanī

maiñ ne tirī tasvīr ko kyā rañg diye haiñ

andāz badal detā hai lafzoñ ke ma.ānī

ab bhī hai havāoñ meñ ga.e vaqt kī āvāz

mahfūz hai sīnoñ meñ har ik yaad purānī

maiñ sab se alāhada huuñ magar mujh meñ hai sab kuchh

Thahrā huā sahrā ho ki dariyā kī ravānī

ik umr se in āñkhoñ ne bādal nahīñ dekhe

dekhī na sunī thī kabhī aisī bhī girānī

Leave a Comment