Shoala Idhar Udhar Kabhi Saya Yahin Kahin

sho.ala idhar udhar kabhī saayā yahīñ kahīñ

hogā vo barq-jism subuk-pā yahīñ kahīñ

kin pāniyoñ kā zor use kaaT le gayā

dekhā thā ham ne ek jazīra yahīñ kahīñ

mansūb jis se ho na sakā koī hādsa

gum ho ke rah gayā hai vo lamha yahīñ kahīñ

āvārgī kā Dar na koī Dūbne kā ḳhauf

sahrā hī ās-pās na dariyā yahīñ kahīñ

vo chāhtā ye hogā ki maiñ hī use bulā.ūñ

merī tarah vo phirtā hai tanhā yahīñ kahīñ

‘bānī’ zarā sambhal ke mohabbat kā moḌ kaaT

ik hādsa bhī taak meñ hogā yahīñ kahīñ

Leave a Comment