Rehman Musawwir
saari baat na puchha kar
kuchh ḳhud bhi to samjha kar
main bichhne ki chiiz nahin
pagal mujh ko oḌha kar
us ne manzil pa li hai
lekin mujh ko bhaTka kar
log tujhe pahchanenge
har din ek tamasha kar
darvaze kuchh chhoTe hain
thoḌa jhuk kar nikla kar
pakne ko hai surḳh anaar
ziina dhire utra kar
duniya gungi bahri hai
jo munh aa.e bola kar
moti bhi mil ja.enge
gahra.i men utra kar
Leave a Reply