poet

Kab Talak Piwega Tu Tar-Damanon Se Mil Ke Mul

kab talak pivega tu tar-damanon se mil ke mul

ek dam ai ghuncha-lab ham se kabhi to khil ke khul

be-sar-o-bargon ko kya nisbat hai sair-e-bagh se

dagh-e-dil hain ham tahi-dastan-e-pa dar-gil ke gul

us ki jang-e-be-sabab ka hai taghaful hi ilaaj

aap Dhela ho ke avega idhar Dhal Dhal ke Dhul

zer-e-abru is tarah mizhgan nahin rahti mudam

sar pe mere juun rahe hai tegh us qatil ki tul

rabt kuchh bazm-e-mashaekh se nahin rindon ke taiin

kab liye ye mast saghar ke siva qulqul ki qul

ho sake to bakhiya o marham ka yaaro vaqt hai

jaan na jaave is tan-e-majruh men ghael ke ghul

ba-qad-e-kham-gashta huun rone se nit ke main kharab

mauj-e-dariya todte hain jis tarah pil pil ke pul

chille ki manind khinchun jab talak bar men na tang

kab mite hai us but-e-harjai-e-chanchal ki chul

daur men us zulf ke hai bas ki divanon ki dhuum

sunta huun charon taraf se main sada-e-ghul ke ghul

‘hasrat’ us ke daam men phansna muqaddar tha mira

the miri nazron men to pech-o-kham us kakul ke kul

More Poems

Leave a Comment