itni ḳharab surat-e-halat bhi nahin
jo kah na pa.un aisi koi baat bhi nahin
suraj ka gaanv jis ki jataon men thi asiir
ai shahr-e-be-charagh ye vo raat bhi nahin
phir aaj uTh raha hai dhuan dal ke as-pas
tajdid-e-arzu-e-mulaqat bhi nahin
Darta huun apne saa.e se men ḳhud-gazida huun
siine men koi shorish-e-zulmat bhi nahin
‘faruq’-nazuki ne khila.e lahu ke phuul
dil par agarche us ki inayat bhi nahin
Leave a Reply