Sahar Ne Andhi Gali Ki Taraf Nahin Dekha

Manzar Bhopali

sahar ne andhi gali ki taraf nahin dekha

jise talab thi usi ki taraf nahin dekha

qalaq tha sab ko samundar ki be-qarari ka

kisi ne muḌ ke nadi ki taraf nahin dekha

kachoke ke deti rahin ghurbaten mujhe lekin

miri ana ne kisi ki taraf nahin dekha

safar ke biich ye kaisa badal gaya mausam

ki phir kisi ne kisi ki taraf nahin dekha

tamam umr gizari ḳhayal men jis ke

tamam umr usi ki taraf nahin dekha

yazidiyat ka andhera tha saare kuufe men

kisi ne sibt-e-nabi ki taraf nahin dekha

jo a.ine se mila a.ine pe jhunjhlaya

kisi ne apni kami ki taraf nahin dekha

mizaj-e-id bhi samjha tujhe bhi pahchana

bas ek apne hi ji ki taraf nahin dekha