yuun bhi dil ahbab ke ham ne gaahe gaahe rakkhe the
apne zakhm-e-nazar par khush-fahmi ke phahe rakkhe the
ham ne tazad-e-dahr ko samjha do-rahe tartib diye
aur baratne nikle to dekha sah-rahe rakkhe the
raqs-kada ho bazm-e-sukhan ho koi kargah-e-fan ho
zardozon ne apni ma-tahti men julahe rakkhe the
mohtasibon ki khatir bhi apne iz.har men kuchh pahlu
rakh to liye the ham ne ab chahe an-chahe rakkhe the
jo vaj.h-e-rahat bhi na the aur tuut gae to gham na hua
aah vo rishte kyuun ham ne ik umr nibahe rakkhe the
kahkashan-bandi men sukhan ki rah gai ‘saz’ kasar kaisi
lafz to ham ne chun ke najume mohre maahe rakkhe the
Leave a Reply