sub.h tak jin se bahut bezar ho jaata huun main
raat hote hi unhi galiyon men kho jaata huun main
ḳhvab men gum huun ki bahar ki faza achchhi nahin
aankh khulte hi kahin zanjir ho jaata huun main
khinch laati hai usi kuche men phir avargi
roz jis kuche se apne shahr ko jaata huun main
is andhere men charagh-e-ḳhvab ki ḳhvahish nahin
ye bhi kya kam hai ki thoḌi der so jaata huun main
raat laati hai kisi ke qurb ki ḳhvahish magar
sub.h hote hi kisi se duur ho jaata huun main
ji men aata hai ki duniya ko badalna chahiye
aur apne aap se mayus ho jaata huun main
baare bagh-e-sehn-e-duniya men bahut din rah liya
ḳhush raho ab is gali se dosto jaata huun main
Leave a Reply