vo tamam rang ana ke the vo umang saari lahu se thi
vo jo rabt-zabt gulon se tha jo dua-salam subu se thi
koi aur baat hi kufr thi koi aur zikr hi shirk tha
jo kisi se vada-e-did tha to tamam shab hi vazu se thi
na kisi ne zaḳhm ki daad di na kisi ne chak-e-rafu kiya
mile ham ko jitne bhi baḳhiya-gar unhen fikr apne rafu se thi
tire mutribon ko ḳhuda rakhe magar ab kahan tiri bazm men
koi sur jo mere suḳhan men tha koi lai jo mere lahu se thi
sar-e-karzar khaḌe ho ‘shauq’ to yuun hi siina super raho
ki vo log kaun se bach ga.e jinhen ehtiyat adu se thi
Leave a Reply