ahmad-mahfuz

Ab Is Makan Mein Naya Koi Dar Nahin Karna

ab is makan men naya koi dar nahin karna

ye kaam sahl bahut hai magar nahin karna

zara hi der men kya jaane kya ho raat ka rang

so ab qayam sar-e-rahguzar nahin karna

bayan to kar duun haqiqat us ek raat ki sab

pa shart ye hai kisi ko khabar nahin karna

rafugari ko ye mausam hai sazgar bahut

hamen junun ko abhi jama-dar nahin karna

khabar hai garm kisi qafile ke lutne ki

ye vaqia hai to sair o safar nahin karna

More Poems

Leave a Comment