Syed Kashif Raza
badan ko vajd tire be-hisab-o-had aa.e
miri rasa.i men gar tera jazr-o-mad aa.e
main ik daf.a tujhe chumun to tere ḳhvabon men
kisi bhi mard ka chehra na ta-abad aa.e
main tegh-e-ishq se gar tol duun badan tera
tiri nazar men na mizan-e-nek-o-bad aa.e
jo tere ḳhvab men aa jaa.e barshgal mira
mire liye na tire lab pe radd-o-kad aa.e
har ek saal mana.un main jashn-e-lams us ka
jo dastaras men miri vo daraz-qad aa.e
bahut sajegi ye poshak-e-harf ai ‘kashif’
jo sha.eri men miri us ke ḳhal-o-ḳhad aa.e
Leave a Reply