Rizvan Anjum
dalil-e-sub.h-e-zarrin hai tu azmat ka nishan ho ja
tira manshur aisa ho ki tu simin guman ho ja
kaf-e-sehra-e-hasti se ḳhumar-e-sufiya le kar
anal-haq bhi pukare ja charagh-e-la-makan ho ja
dikha de jauhari unsur ki ho dushman ḳhamida-sar
ḳhudi ka razdan ho kar chaman ka pasban ho ja
nasihat-gar ḳhirad-amez asas-e-mulk-e-mustahkam
bahar-e-anjuman dast-e-ata sirr-e-nihan ho ja
vasi.a-ul-fikr ho kar tu kulah-e-qaisari pa le
mata.a-e-sarvari de kar faqir-e-be-nishan ho ja
surur-e-zindagani ne shab-e-kulfat-zada baḳhshi
daqiqa sanj tu tadbir se atish fashan ho ja
nigahban-e-vatan ai banda-e-momin guhar-afshan
shigaf-e-sina-e-a.ada ka tu baa.is yahan ho ja
dalil-e-qate-e-batil tiri shamshir ho ‘anjum’
adu-e-fasiq-o-fajir aziz-e-be-kasan ho ja
Leave a Reply