jam-e-tahi qubul na tha gham samo liye
phulon ke intizar men kanTe chubho liye
mahrumi-e-davam bhi kya lutf de ga.i
ye soch kar hanse hain ki ik umr ro liye
ham hain vo sada-lauh ki pa kar raza-e-dost
ḳhud apne haath apne hi ḳhuun men Dubo liye
jis samt se bhi bang-e-jaras aa.i dasht men
divangan-e-shauq usi samt ho liye
pichhla pahar hai shab ka ki hai shaam ka saman
vo kya bata sakenge jo ik niind so liye
kya jabr hai subut-e-vafa pesh kijiye
aur un ka naam aa.e to phir lab na kholiye
‘mohsin’ zaban dijiye bazm-e-ḳhamosh ko
mohmal hai aaj lafz-e-suḳhan kuchh to boliye
Leave a Reply