ham-nafaso ujad gaiin mehr-o-vafa ki bastiyan
puchh rahe hain ahl-e-mehr-o-vafa ko kya hua
ishq hai be-guzar kyuun husn hai be-niyaz kyuun
meri vafa kahan gai un ki jafa ko kya hua
ye to baja ki ab vo kaif jam-e-sharab men nahin
saqi-e-mai ke ghamza-e-hosh-ruba ko kya hua
ab nahin jannat masham-e-kucha-e-yar ki shamim
nik.hat-e-zulf kya hui bad-e-saba ko kya hua
tham gaya daura-e-hayat ruk gai nabz-e-kaenat
ishq-o-junun ki garmi-e-hamhama-za ko kya hua
dasht-e-junun men ho gai manzil-e-yar be-suragh
qafila kis taraf gaya bang-e-dara ko kya hua
nala-e-shab hai na-rasa ah-e-sahar hai be-asar
mera khuda kahan gaya mere khuda ko kya hua
Leave a Reply