Saleem Betab
yuun bane-sanvre hue se phuul hain gulzar men
sair ko nikli hon jaise laḌkiyan bazar men
ye tira husn-e-takallum ye tira husn-e-bayan
TuTne lagte hain a.ine tiri guftar men
kis ne phenka hai ye patthar zehn ke talab men
ek tufan sa bapa hai ab mire afkar men
tere chehre par nazar aate hain apne hi nuqush
hai mira didar bhi shamil tire didar men
ik zamin ka chand phir hoga darichon se tulua
asman ka chand chhup ja.ega jab ashjar men
teri aamad amad-e-fasl-e-baharan ban ga.i
phulon se khilne lage mere dar-o-divar men
mere sheron men na Dhal paata tira aks-e-jamil
ye samundar kya simaTta kuza-e-izhar men
Leave a Reply