Azm Shakri
apne dukh-dard ka afsana bana laaya huun
ek ik zaḳhm ko chehre pe saja laaya huun
dekh chehre ki ibarat ko khurachne ke liye
apne naḳhun zara kuchh aur baḌha laaya huun
bevafa lauT ke aa dekh mira jazba-e-ishq
ansuon se tiri tasvir bana laaya huun
main ne ik shahr hamesha ke liye chhoḌ diya
lekin us shahr ko a.ankhon men basa laaya huun
itni ghaflat ki bhi niind achchhi nahin hoti hai
ai charagho uTho dekho main ziya laaya huun
Leave a Reply