yuun apne dil ke bojh ko kuchh kam kiya gaya
ahd-e-visal-o-hijr pe matam kiya gaya
ankhon se ḳhuun bahana paḌa raat din mujhe
tab ja ke tere gham ko kahin gham kiya gaya
kya kam tha pahle darham-o-barham ai asman
jo aur mujh ko darham-o-barham kiya gaya
chehra tumhara phuul kiya apne ishq se
aur is pe phir pasine ko shabnam kiya gaya
aansu kabhi malal kabhi tera gham kabhi
kya kya na mere zaḳhm ka marham kiya gaya
Leave a Reply